मुंबईतील बॅलार्ड पिअरजवळ मालवाहू नौका बुडाली

मुंबईच्या समुद्रात शनिवारी १४ मे रोजी एक मालवाहू नौका बुडाल्याची घटना घडली आहे. मुंबई पोर्ट ट्रस्ट येथे मालवाहू नौकेमध्ये माल भरण्यात आला होता. त्यानंतर यातील माल मोठ्या जहाजात भरण्यात येणार होता. मात्र माल भरण्याची प्रक्रिया पूर्ण होताच या नौकेत अचानक पाणी शिरू लागले आणि हळू हळू नौका पाण्याखाली जाऊ लागली. घडत असलेला प्रकार पाहता नौकेतील तिघांनी भीतीपोटी समुद्रात उडी मारली.

“मुंबई पोर्ट ट्रस्ट येथे मालवाहू बोटीमध्ये माल भरण्यात आला. त्यानंतर, बोट जवळच्या बॅलार्ड पिअरवर गेली आणि साठा उतरवून तेथे एका मोठ्या जहाजात भरण्यात आला. माल उतरवण्याची प्रक्रिया संपताच या मालवाहू बोटीत पाणी शिरू लागले आणि बोटीतील तीन जणांनी भीतीपोटी समुद्रात उडी मारली,” असे पोलीस अधिकाऱ्याने सांगितले.