पुण्यासाठी आजचा दिवस अत्यंत वाईट ठरला! थेट विद्यापीठ परिसरातच मान शरमेने घालायला लावणारं कृत्य; वाचून अंगावर येईल शहारा

गेल्या काही दिवसांपासून विद्येचे माहेरघर म्हटले जाणाऱ्या पुण्यात अनेक वाईट घटना घडत आहेत. आज देखील एक धक्कादायक घटना समोर आली आहे. पुण्यातील भारती विद्यापीठ पोलीस ठाणे हद्दीत एका महिलेचा दगडाच्या खाणीत ढकलून खून करण्यात आल्याची धक्कादायक घटना उघडकीस आली आहे. या प्रकरणातील तिन्ही आरोपी हे रेकॉर्डवरील गुन्हेगार असल्याची माहिती पोलिसांनी दिली आहे.

नेमकं काय झालं?

मिळालेल्या माहितीनुसार, भारती विद्यापीठ परिसरातून आरोपींनी संबंधित महिलेला जबरदस्तीने रिक्षामध्ये बसवून निर्जन ठिकाणी नेले. तेथे तिच्यावर काठीने मारहाण करण्यात आली. आरोपींनी त्या महिलेवर सामूहीक बलात्कार केल्याचा संशय व्यक्त केला जात आहे. त्यानंतर एका आरोपीने तिला दगडाच्या खाणीत वरून ढकलून दिल्याचा आरोप आहे. याबाबत पोलिसांकडून पुढील तपास सुरू आहे. सीसीटीव्हीमध्ये ओळख पटू नये यासाठी आरोपींनी रिक्षाचे हूड बदलल्याची बाबही तपासात समोर आली आहे.

या प्रकरणाचा तपास पुणे गुन्हे शाखा आणि भारती विद्यापीठ पोलिसांनी संयुक्तपणे केला. सुरुवातीला पोलिसांना महिलेचा मृत्यू अपघात वाटला होता. मात्र, सखोल चौकशी केल्यानंतर अनेक धक्कादायक गोष्टी समोर आल्या. अखेर गुन्हे शाखेच्या पथकाने सहा आरोपींना अटक करण्यात यश मिळवले आहे. सदर प्रकरणामुळे परिसरात मोठी खळबळ उडाली असून, पुढील तपास सुरू आहे.

क्राइम ब्रँच आणि स्थानिक पोलिसांनी त्या परिसरात कार्यरत असलेल्या ज्ञात गुन्हेगारांची यादी तयार केली, ज्यांच्याकडे त्या विशिष्ट प्रकारच्या रिक्षाची उपलब्धता होती. समन्वित छाप्यात तीन आरोपींना ताब्यात घेण्यात आले. पीडितेचे मृतदेह शवविच्छेदनासाठी पाठवण्यात आले आहे. हे शवविच्छेदन लैंगिक अत्याचाराच्या आरोपांची पुष्टी करण्यासाठी आणि घटनांच्या कालक्रमाची स्पष्ट माहिती देण्यासाठी महत्त्वाचे ठरेल. पोलिसांनी भारतीय न्याय संहिता (बीएनएस) च्या संबंधित कलमांतर्गत खुन, अपहरण आणि सामूहिक बलात्काराच्या गुन्ह्याची नोंद केली आहे. भारती विद्यापीठ परिसरात सध्या दाट पोलिस बंदोबस्त ठेवण्यात आला असून, तपास अधिकारी जबानी नोंदवणे आणि खाणीच्या ठिकाणाहून भौतिक पुरावे गोळा करण्याचे काम सुरू ठेवले आहे.