‘अजितदादांच्या शोक प्रस्तावावर बोलणं दुर्देवी’; अमोल मिटकरी असे का म्हणाले?

राज्याचा विधीमंडळाच्या अर्थसंकल्पीय अधिवेशनात पहिल्याच दिवशी दिवंगत उपमुख्यमंत्री अजित पवार यांच्यावर शोक प्रस्ताव मांडण्यात येणार आहे. अजितदादांवर शोक प्रस्तावावर शब्द कानांत शिसं ओतल्यासारखं असल्याचं आमदार अमोल मिटकरी यांनी म्हटलं. अर्थसंकल्पीय अधिवेशनात अजितदादांच्या विमान अपघाताबद्दल आवाज उठवणार असल्याचं अमोल मिटकरी म्हणाले.

मिटकरी पोस्ट करत काय म्हणाले?

अमोल मिटकरी यांनी 'एक्स'वर पोस्ट करत म्हटलं की, 'अर्थसंकल्पीय अधिवेशनाचा चहापान कार्यक्रम अजितदादांशिवाय अधुरा वाटतो. विधिमंडळात अजितदादांचे नसणे हा विचारच अधुरा वाटतो. धुरंधर अर्थमंत्री यावर्षी महाराष्ट्राला पाहायला मिळणार नाहीत हेच या अधिवेशनात वेदनादायी असेल'.