मुंबई : 'लोकांचा नाथ एकनाथ', स्वखर्चातून विशेष विमानाने रुग्णांना बिहारमधून पुण्यात आणलं,

त्यानंतर या घटनेची तातडीनं दखल घेत खासदार श्रीकांत शिंदे आणि मुख्यमंत्री एकनाथ शिंदे यांनी केंद्रीय हवाई वाहतूक मंत्री ज्योतिरादित्य सिंधिया संपर्क केला. तात्काळ शासकीय एअर अॅम्ब्युलन्स मिळण्यासाठी सिंधियांकडे विनंती केली. परंतु काही तांत्रिक अडचणीमुळे शासकीय एअर अॅम्ब्युलन्स उपलब्ध होऊ शकली नाही. वेळ अतिशय कमी असल्याने शिंदे यांनी स्वखर्चातून दोन एअर अॅम्ब्युलन्स बुक केल्या. त्यानंतर त्या कुटुंहबाला तातडीनं पुण्यात दाखल करण्याचे आदेश शिंदे यांनी शिवसेना वैद्यकीय मदत कक्षाचे प्रमुख मंगेश चिवटे यांना दिले.

जखमी झालेल्या ११ वर्षांच्या मुलाला घेवून आज सकाळी सहा वाजता विशेष विमान पुण्यातील लोहगाव विमानतळावर दाखल झाले. त्यानंतर दुसऱ्या १२ वर्षांच्या रुग्णाला दुसऱ्या विमानाने सकाळी ११ वाजता पुण्यात दाखल करण्यात आले. शिवसेना वैद्यकीय मदत समन्वयक राजाभाऊ भिलारे व युवराज काकडे यांच्या सहाय्याने पुण्यातील सूर्या सह्याद्री रुग्णालयात रुग्णांना दाखल केले असून त्यांच्यावर उपचार सुरु आहेत.

आमच्याकडे शब्द नाहीत. माणसात देव असतो, हे आज आम्हाला समजले. नाव,गाव,पत्ता,ना ओळख,ना कोणाची शिफारस,काहीही माहिती नसताना साहेबांनी आम्हाला मदत केली. मदतीसाठी आम्ही खूप लोकांना विनंती केली पण मदत होऊ शकली नाही. परंतु शिंदेसाहेब आमच्या मदतीला धावून आले. आज आम्ही एकनाथ शिंदे यांच्या रूपाने साक्षात विठ्ठल पाहिल्याची भावना रुग्णांचे नातेवाईक व्यक्त करत होते. तसेच मुलं बरी झाल्यानंतर त्यांना घेऊन शिंदे साहेबांना भेटणार असल्याची भावना रुग्णाच्या आईने व्यक्त केली.