पुणे : 7 कोटी द्या नाहीतर रेल्वे स्टेशन बॉम्बने उडवून देऊ म्हणणाऱ्या दोघांना अटक

पुणे: पुणे रेल्वे स्टेशन बॉम्बने उडवून देऊ अशी धमकी देणाऱ्या दोन आरोपींना पुणे रेल्वे पोलिसांनी वाघोलीतून अटक केली आहे. करण भिमाजी काळे आणि सुरत मंगतराम ठाकूर अशी अटक करण्यात आलेल्या आरोपींची नावं आहेत. 3 मे ला दुपारी चार वाजता करण भिमाजी काळे आणि सुरत मंगतराम ठाकूर यांनी महेश कवडे या नावाने कंट्रोल रूमला फोन करून पुणे रेल्वे स्टेशन बॉम्बने उडवून देण्याची धमकी दिली होती.

तसेच बॉम्ब कुठे ठेवला आहे. याची माहिती हवी असल्यास सात कोटी रुपये द्या अशी मागणी आरोपींनी पोलिसांकडे केली होती. ह्या घटनेच गांभिर पाहून पुणे रेल्वे पोलिसांनी तात्काळ बीडीडीएस आणि डॉग स्कोडच्या माध्यमातून रेल्वे स्टेशन परिसर आणि एकूण येणाऱ्या-जाणाऱ्या 17 रेल्वे गाड्यांची झाडाझडती घेतली होती.