नवी मुंबई : मित्रासोबत गार्डनमध्ये बसलेल्या १६ वर्षीय मुलीवर बलात्कार; नवी मुंबई हादरली

नवी मुंबईतून एक संतापजनक बातमी समोर आली आहे. मित्रासोबत गार्डनमध्ये बसलेल्या एका अल्पवयीन महाविद्यालयीन विद्यार्थिनीवर एका तरुणाकडून बलात्कार करण्यात आल्याची धक्कादायक घटना घडली आहे. नवी मुंबईतील नेरुळमध्ये ही संतापजनक घटना घडली आहे. पीडित विद्यार्थीनी ही १६ वर्षीय अल्पवयीन असल्याने या प्रकरणी पोस्को अंतर्गत गुन्हा दाखल करण्यात आला आहे.

पोलिसांनी दिलेल्या माहितीनुसार, नवी मुंबईतील नेरुळच्या सेक्टर 22  येथील बालाजी मंदिरा समोरील मैदानात या अल्पवयीन मुलीवर बलात्कार करण्यात आला. सदर पीडित मुलगी आपल्या मित्रासोबत रात्रीच्या वेळी गार्डनमध्ये बसली होती.

यावेळी तेथे आलेल्या एका तरुणाने पीडितेच्या मित्राला दमदाटी करुन पळवून लावले यानंतर त्यांने तरुणीवर बलात्कार केला. या संतापजनक घटनेनंतर मुलीने आपलं घर गाठून सर्व हकीकत आपल्या कुटुंबियांना सांगितली. कुटुंबियांनी मुलीवर प्राथमिक उपचार करुन नेरुळ पोलीस ठाण्यात तक्रार दाखल केली.