पुणे : कोयना एक्स्प्रेस आता विद्युत इंजिनवर धावणार

पुणे : मुंबई-कोल्हापूर धावणारी कोयना एक्स्प्रेस आता पुणे ते कोल्हापूरदरम्यान विद्युत इंजिनवर धावणार आहे. सध्याच्या रेल्वे मार्गावरचे विद्युतीकरणाचे काम पूर्ण झाले आहे. त्यामुळे कोयना एक्सप्रेसला आता पुणे स्थानकांवर डिझेल इंजिन जोडावे लागणार नाही. विद्युत इंजिनवरच मुंबई ते कोल्हापूर असा प्रवास पूर्ण करेल. याची तारीख अद्याप ठरली नसून, येत्या दोन ते तीन दिवसांत तारखेबाबतचा निर्णय होईल. पुणे-कोल्हापूर सेक्शनमध्ये विद्युत इंजिनवर धावणारी ही पहिली रेल्वे ठरणार आहे.

‘‘लवकरच कोयना एक्स्प्रेस विद्युत इंजिनवर धावेल, याची तारीख अद्याप ठरलेली नाही. विद्युत इंजिनमुळे डिझेलच्या वापरात बचत होईल.’’