पुणे: सासरच्या जाचाचा कळस; विवाहितेला जबरदस्तीने 'डेटॉल' पाजले; पोलिसांत गुन्हा दाखल.

पुणे: लग्नात पुरेसा पाहुणचार, वस्तू मिळाल्या नसल्याचे सांगून विवाहितेचा शारीरिक, मानसिक आणि आर्थिक छळ करण्यात आला. पतीने चारित्र्यावर संशय घेऊन मारहाण केली, तर सासरच्या मंडळींनी डेटॉल पिण्यास भाग पाडल्याचा आरोप फिर्यादीने केला आहे.

याप्रकरणी २२ वर्षीय विवाहितेने दिलेल्या फिर्यादीवरून प्रतीक सुनील पिंगळे (वय २७) आणि वंदना सुनील पिंगळे (वय ४५, दोघे रा. अक्कलकोट, जि. सोलापूर) यांच्यावर काळेपडळ पोलिस ठाण्यात गुन्हा दाखल केला आहे.

४ सप्टेंबर २०२३ ते ५ ऑगस्ट २०२६ या कालावधीत हा प्रकार घडला. 'तुझ्या आई-वडिलांनी काही दिले नाही,' असे म्हणत आरोपींनी विवाहितेला टोमणे मारले. घरगुती कारणांवरून अपमानित करून आर्थिक आणि मानसिक त्रास दिला. पती मद्यपान करून मारहाण करत होता. विवाहितेची आई आणि बहीण यांनाही दमदाटी करण्यात आली. विवाहितेला डेटॉल पिण्यास भाग पाडल्याचा आरोप तक्रारीत करण्यात आला आहे.

Disclaimer: या पोस्टमधील माहिती उपलब्ध वृत्तस्रोत व अधिकृत माहितीनुसार प्रकाशित करण्यात आली आहे. तपास किंवा अधिकृत प्रक्रियेनुसार तथ्यांमध्ये बदल होऊ शकतो.
या पोस्टचा उद्देश केवळ माहिती देणे असून अंतिम सत्यता संबंधित शासकीय यंत्रणा व न्यायालयीन प्रक्रियेवर अवलंबून आहे.