धुळे-सोलापूर महामार्गावर पुलावरुन कार कोसळून अपघात, ४ जण गंभीर जखमी

चित्तेपिंपळगाव (जि.औरंगाबाद ) : धुळे-सोलापूर राष्ट्रीय महामार्गावरील निपाणी फाट्याजवळील जोड पुलावर औरंगाबादकडे जाणारी कार (एमएच २० बीवाय ४२४१) चालकाचा कारवरील ताबा सुटल्याने कार पुलावरून खाली कोसळल्याची घटना गुरुवारी (ता.चार) दुपारी बारा वाजेच्या सुमारास घडली. कारमधील चालकासह चार जण गंभीर जखमी झाले आहेत. जखमींना वाहतूक पोलीसांनी स्थानिकांच्या मदतीने लगेच औरंगाबादला हलवले. 

घटनेची माहिती मिळताच महामार्गावर गस्तीवर असलेले वाहतूक शाखेचे पोलिस उपनिरीक्षक शेख व पोलीस हवालदार अशोक बर्डे, पोलीस नाईक जारवाल व चालक चव्हाण यांना घटनेची माहिती मिळाताच घटनास्थळी लगेच दाखल झाले व जखमींना स्थानिकांच्या मदतीने तात्काळ औरंगाबाद येथे पुढील उपचारासाठी हलवले.