'कॉकरोच जनता पार्टी' वरून राजकीय राडा! पंतप्रधान मोदी आणि अभिजीत दीपकेंची अमेरिकेत गुप्त भेट झाल्याचा राऊतांचा दावा; दीपकेंचे आरोप फेटाळले

पुणे: सध्या देशाच्या राजकारणात 'कॉकरोच जनता पार्टी' (CJP) या नव्या पक्षाची आणि त्यांच्या आंदोलनाची जोरदार चर्चा सुरू आहे. या पक्षातर्फे दिल्लीतील जंतर-मंतरवर करण्यात आलेल्या आंदोलनानंतर आता विविध शहरांत आंदोलनाची रणनीती आखली जात आहे. याच दरम्यान, शिवसेना (उबाठा) नेते आणि खासदार संजय राऊत यांनी पक्षाचे संस्थापक अध्यक्ष अभिजीत दीपके यांच्यावर केलेल्या एका खळबळजनक विधानाने राजकीय वर्तुळात नवा वाद निर्माण झाला आहे.

 

काय आहे राऊतांचा दावा?
खासदार संजय राऊत यांनी एका पोस्टद्वारे दावा केला आहे की, पंतप्रधान नरेंद्र मोदी आणि 'कॉकरोच जनता पार्टी'चे अध्यक्ष अभिजीत दीपके यांची अमेरिकेत गुप्त भेट झाली आहे. राऊत यांनी या भेटीच्या संदर्भात एक फोटोही सोशल मीडियावर शेअर केला आहे, ज्यावरून राजकीय चर्चांना उधाण आले आहे. तरुणांच्या आंदोलनाचा वापर करून त्याला दिशाहीन करण्याचे किंवा त्याचे 'अण्णा हजारे' आंदोलनासारखे रूपांतर करण्याचे षडयंत्र असल्याचा गर्भित इशाराही त्यांनी दिला आहे.

अभिजीत दीपकेंचे प्रत्युत्तर:
संजय राऊत यांच्या या आरोपांना अभिजीत दीपके यांनी थेट फेटाळून लावले आहे. पुण्यात माध्यमांशी बोलताना दीपके म्हणाले, "पंतप्रधान मोदी हे खूप मोठे नेते आहेत, माझी त्यांच्याशी कोणतीही भेट झालेली नाही. राऊत यांनी शेअर केलेला फोटो हा एआय (AI) द्वारे तयार केलेला असावा." दीपके यांनी पुढे सांगितले की, त्यांचा भर सध्या तरुणांसाठी जाहीरनामा तयार करण्यावर आणि पेपरफुटीसारख्या गंभीर प्रकरणांविरोधात लढा देण्यावर आहे. त्यांनी राऊत यांच्याशी चर्चा करण्याची तयारीही दर्शवली आहे.

वादाची पार्श्वभूमी:
'कॉकरोच जनता पार्टी' ही तरुणांच्या रोषाचे प्रतीक असल्याचे सांगितले जात आहे. मात्र, राऊतांच्या विधानानंतर हा पक्ष खरोखर स्वतंत्र आहे की त्यामागे काही राजकीय समीकरणे आहेत, यावर उलटसुलट चर्चा सुरू झाली आहे. आता या वादावर पुढील काळात काय पडसाद उमटतात, याकडे सर्वांचे लक्ष लागले आहे.

 

सविस्तर वाचा, लिंक कमेंट मध्ये  https://punenews24.in/