Dharashiv Railway Station : मराठा आरक्षणासाठी धाराशिवमध्ये रेल रोको; रेल्वे रुळांवर झोपून आंदोलकांची घोषणाबाजी

मराठा आरक्षणासाठी काल बीडमध्ये आंदोलन मोठ्या प्रमाणावर चिघळलं. काही ठिकाणी जाळपोळ झाली. त्यामुळे शासनाने बीडसह धाराशिवमध्ये संचार बंदीचे आदेश दिले आहेत. संचार बंदीचे आदेश असतानाही धाराशिवमध्ये मराठा आंदोलक आक्रमक झालेत. भुम शहरातील गोलाई चौक येथे रस्त्यावर उतरत टायर जाळून देखील घोषणाबाजी करण्यात आलीये. तसेत धाराशिवमध्ये सलग तिसऱ्या दिवशी बस सेवा विस्कळीत आहे.

मराठा आरक्षणाच्या मागणीसाठी सुरू असलेल्या आंदोलनाच्या पार्श्वभूमीवर गेल्या तीन दिवसांपासून धाराशिव जिल्ह्यातील बस सेवा विस्कळीत झाली आहे. जिल्ह्यात बसवर दगडफेकीच्या घटनांसोबतच काल सायंकाळी उमरगा तालुक्यातील तुरोरी येथे एक बस पेटवून देण्यात आली. याच अनुषंगाने खबरदारीचा उपाय म्हणून ही बस सेवा बंद करण्यात आलेली आहे. त्यामुळे बस स्थानक परिसरात शुकशुकाट पहिला मिळतोय.