Ahmednagar Accident : राज्यात अपघातांची मालिका सुरूच; ओव्हरटेक करण्याचा नादात शिवशाहीची स्कुलबसला धडक, ४ विद्यार्थी जखमी

Ahmednagar : राज्यात अपघातांची मालिका सुरूच आहे. काही दिवसांपूर्वी सांगली , नाशिक, नागपूरमध्ये शिवशाही बसला अचानक आग लागल्याची घटना घडल्या आहेत. तर दोन दिवसांपूर्वी पुण्यातील माळशेज घाट परिसरात असणाऱ्या वाटखळ गावाजवळ पिकअप आणि कारचा अपघात झाला होता. त्यानंतर आता अहमदनगरमध्ये शिवशाही बस आणि स्कुलबसचा अपघात झाल्याची घटना घडली. लोणी बाभळेश्वर रोडवर ही घटना घडली आहे. या अपघातात ४ विद्यार्थी किरकोळ जखमी झाल्याची माहिती हाती आलीआहे. 

अहमदनगर जिल्ह्यातील लोणी गावात शिवशाही बस आणि स्कुलबसचा अपघात झाल्याची घटना घडली. शिवशाहीने स्कुलबसला जोरदार धडक दिल्याने मोठा अपघात झाला आहे . लोणी बाभळेश्वर रोडवर ही घटना घडली आहे.

या अपघातात स्कुलबसमधील चार विद्यार्थी जखमी झाले आहेत. जखमी विद्यार्थ्यांना उपचारासाठी प्रवरा रुग्णालयात दाखल केले आहे. त्यांच्यावर उपचार सुरू करण्यात आले आहे. या अपघातात सुदैवाने कोणतीही जीवितहानी झाली नसल्याची माहिती समोर आली आहे.

अहमदनगर जिल्ह्यातील लोणी गावात शिवशाही बस रस्त्यावरून जात होती. लोणी बाभळेश्वर रोडवर शिवशाही बसने अचानक स्कुलबसला धडक दिली. ओव्हरटेक करण्याच्या प्रयत्नात शिवशाही बस स्कुलबसला धडकल्याची माहिती समोर आली आहे. या अपघातात सुदैवाने कोणतीही जीवितहानी झालेली नाही. मात्र, या अपघातात चार विद्यार्थ्यांना किरकोळ मार लागला आहे.

हा अपघात शिवशाही बसचे चालक खंदारे यांच्याकडून झाला आहे. या अपघातानंतर खंदारे यांनी बसचे ब्रेक फेल झाल्याने अपघात झाल्याची माहिती दिली. तर ओव्हरटेक करण्याच्या नादात शिवशाही बस चालक खंदारे यांच्याकडून अपघात झाल्याची आरोप पालक वर्ग करत आहे. या अपघातानंतर लोणी पोलीस घटनास्थळी दाखल झाले. तर पोलीस या अपघाताचा तपास लोणी पोलीस करत आहेत.

दरम्यान, काल नागपूरमध्ये धावत्या शिवसाही बसला भीषण आग लागली होती. या आगीत बस जळून खाक झाली होती. या बसमधून १६ प्रवासी प्रवास करत होते. चालकाच्या प्रसंगावधानामुळे सर्व प्रवासी सुरक्षित बाहेर आले आणि ते वाचले. सुदैवाने कुठलीही जीवितहानी झाली नाही. पण या आगीत काही प्रवाशांचे सामान जळाल्याची माहिती समोर आली आहे.