Weather Update: हवामान बिघडलं! गडगडाटी वादळ, पाऊस अन् बर्फवृष्टी; महाराष्ट्रासह अनेक राज्यांना IMDकडून अलर्ट

आयएमडीचा अलर्ट

तापमानाच्या ट्रेंडकडे पाहता, पुढील दोन दिवसांत वायव्य भारतातील किमान तापमानात २-३ अंश सेल्सिअसने वाढ होण्याची शक्यता आहे. त्यानंतर पुढील दोन दिवसांतही अशीच घट होईल, कोणताही महत्त्वपूर्ण बदल होणार नसल्याचं भारतीय हवामान खात्याने म्हटलंय.

मध्य भारतात पुढील तीन दिवसांत किमान तापमानात २-३ अंशांनी वाढ होईल असा अंदाज आहे. गुजरातमध्ये पुढील दोन दिवसांत तापमान अपरिवर्तित राहील, नंतर तीन दिवसांत वाढेल आणि त्यानंतर स्थिर राहील. पूर्व आणि ईशान्य भारतात पुढील तीन दिवसांत तापमान अपरिवर्तित राहील, नंतर चार दिवसांत २-३ अंशांनी वाढणार.