Virar News : अर्नाळा समुद्रात बोट बुडाली, एकाचा मृत्यू; ११ जणांना वाचवण्यात यश

या बोट दुर्घटनेमध्ये एकाचा दुर्दैवी मृत्यू झाला. संतोष मुकने असं या व्यक्तीचे नाव असून त्याचा मृतदेह बऱ्याच तासांनंतर सापडला. अर्नाळा पोलिसांना या घटनेची माहिती मिळाल्यानंतर त्यांनी घटनास्थळी धाव घेतली. अर्नाळा पोलिसांनी कोस्ट गार्डचे हेलिकॉप्टर आणि खासगी बोटी मार्फत बेपत्ता व्यक्तीचा शोध घेतला. अखेर २४ तासांनी या व्यक्तीचा मृतदेह शोधण्यात यश आल्याची माहिती पोलिसांनी दिली.

दरम्यान, उजनी जलाशयामध्ये प्रवासी बोट उलडून ६ जणांचा मृत्यू झाला होता. या बोटीतील प्रवासी हे करमाळ्यावरून इंदापूरला येत होते. पण अचानक वादळ आणि पावसामुळे ही बोट बुडाली. या घटनेमध्ये एकाच कुटुंबातील चौघांचा मृत्यू झाला होता. पती-पत्नी आणि दोन लहान मुलं यांचा समावेश होता. तर दुसरीकडे अमदनगरच्या प्रवरा नदीमध्ये बुडालेल्या तरूणाचा मृतदेह शोधण्यासाठी गेलेली एसडीआरएफ जवानांची बोट नदीमध्ये बुडाली होती. या घटनेमध्ये ५ जणांचा मृत्यू झाला होता.