Uddhav Thackeray Sharad Pawar : उद्धव ठाकरे 'सिल्वर ओक'वर शरद पवारांच्या भेटीला; या मुद्यांवर चर्चा होणार?

Uddhav Thackeray Sharad Pawar :  शिवसेना ठाकरे गटाचे पक्षप्रमुख उद्धव ठाकरे हे राष्ट्रवादी काँग्रेसचे ज्येष्ठ नेते शरद पवार  यांच्या भेटीसाठी 'सिल्वर ओक'वर दाखल झाले आहेत. यावेळी उद्धव ठाकरे यांच्यासोबत संजय राऊत हेदेखील आहेत. या दोन नेत्यांमध्ये होत असलेल्या भेटीवर विविध चर्चांना उधाण आले आहे. सोमवारी ग्रामपंचायत निवडणुकीचे निकाल जाहीर झाले. त्यानंतर आज पवार आणि ठाकरे यांच्यात भेट होत असल्याचे राजकीय वर्तुळाचे लक्ष लागले आहे. 

महाविकास आघाडी आणि महायुतीने किती जागा जिंकल्या, यावरही चर्चा होण्याची शक्यता आहे. ग्रामपंचायतीच्या निवडणुकीनंतर आगामी निवडणुकीवर महाविकास आघाडीकडून लक्ष केंद्रीत केले जाणार आहे. लोकसभा निवडणुकीसाठी महाविकास आघाडीच्या समन्वय समितीच्या स्थापनेबाबतही चर्चा होणार असल्याची शक्यता आहे. 

Mumbai Pollution : मुख्यमंत्र्यांनी कारची काच खाली करून प्रवास करावा; डम्पिंग ग्राउंडच्या दुर्गंधीने हैराण कांजूरवासियांचा संताप

भेटीचे कारण अदानी?

काही दिवसांपूर्वी शरद पवार म्हणाले होते अदानींबाबत उद्धव ठाकरेंची काही मतं आहे, त्याबाबत मी उद्धव ठाकरे यांच्याशी चर्चा करणार आहे, बैठकीला ही पार्श्वभूमी ‌देखील आहे. शिवसेनेच्या दसरा मेळाव्यात उद्धव ठाकरे यांनी अदानी यांच्यावर निशाणा साधला होता. धारावी पुनर्विकासाचे कंत्राट अदानी समूहाकडे गेले आहेत. त्यावरून उद्धव यांनी भाजप आणि अदानी यांच्यातील संबंधावर भाष्य केले होते.