Turkey Earthquake Update: निसर्गाचा कोप! तुर्कस्तान भूकंपातील मृतांचा आकडा 750च्या वर, दहा शहरं उद्ध्वस्त

Turkey Earthquake Update: तुर्कस्तानमध्ये झालेल्या भूकंपाचे हादरे शेजारील देशातही बसले आहेत. सोमवारी ६ फेब्रुवारी रोजी सकाळी दोन शक्तिशाली भूकंपाचे धक्के जाणवले. भूंकपानंतर तुर्कीमधील अवस्थापासून जगभरातून दु:ख व्यक्त केलं जात आहेत.

भूकंपातील मृतांचा आकडा झपाट्याने वाढत आहे. तुर्की आणि सीरियामध्ये आतापर्यंत एकूण 757 नागरिकांचा मृत्यू झाल्याची माहिती समोर येत आहे. यात सीरियातील 237 आणि तुर्कीमधील 520 लोकांचा समावेश आहे.

तर 3 हजारांहून अधिक लोक जखमी झाल्याचे सांगण्यात येत आहे. तुर्कीतील अडाना शहरात 17 मजली आणि 14 मजली इमारती कोसळल्या आहेत. मदत आणि बचाव कार्य वेगाने सुरु आहे.