Team India Victory Parade: वानखेडेवर सेलिब्रेशनवेळी हार्दिकच्या हातात फॅनने फेकलेला शर्ट आला अन् मग बुमराह...

 

Team India Celebration at Wankhede Stadium: टी२० वर्ल्ड कप २०२४ स्पर्धा २९ जून रोजी जिंकल्यानंतर भारतीय संघ गुरुवारी (४ जुलै) मायदेशी परतला. मायदेशी परतल्यानंतर भारतीय संघाचं जोरदार स्वागत झालं.दिल्लीला पंतप्रधान नरेंद्र मोदी यांच्या भेटीनंतर गुरुवारी संध्याकाळी भारतीय संघ मुंबईत दाखल झाला होता. मुंबईत पोहचल्यानंतर भारतीय संघाची नरिमन पॉइंट ते वानखेडे स्टेडियमदरम्यान ओपन बसमध्ये विजयी मिरवणूक काढण्यात आली. यानंतर वानखेडे स्टेडियमवर भारतीय संघाचा सन्मान करण्यात आला होता.
या सन्मान सोहळ्यानंतर भारतीय संघातील खेळाडू आणि सपोर्ट स्टाफने मुंबईच्या वानखेडे स्टेडियमला फेरी मारली. यावेळी खेळाडू चाहत्यांचा उत्साह वाढवताना दिसत होते. याचवेळी स्टेडियमवर माँ तुझे सलाम हे गाणं वाजत असताना खेळाडूही चाहत्यांबरोबर ते गाणं गात होते.

Beed News : वाळू प्रकरणी तलाठ्यासह मंडळाधिकारी निलंबित; गोदापट्ट्यातून सुरु होता वाळूचा उपसा

पण याचवेळी चाहत्यांमधून कोणीतरी एक शर्ट मैदानाच्या दिशेने फेकला, तो शर्ट नेमका हार्दिक पांड्याच्या हातात आला. एकाक्षणी हार्दिकही ते पाहून गोंधळल्यानंतर त्याने तो लगेचच खाली टाकला आणि तो पुन्हा सेलीब्रेशन करू लागला. मात्र, हार्दिकच्या हातात अचानक आलेला शर्ट पाहून त्याच्या मागेच असलेल्या जसप्रीत बुमराहला मात्र त्याचे हसू रोखता आले नाही. काही वेळाने अखेर हसणाऱ्या बुमराहकडे वळून नंतर हार्दिकनेही त्याला टाळी दिली. दरम्यान, या क्षणांचा व्हिडिओ सध्या व्हायरल होत आहे.
दरम्यान, भारतीय संघाच्या या विजयोत्सवावेळी चाहत्यांचा मोठा उत्साह दिसून आला. मरिन ड्राईव्हवर हजारो चाहत्यांची गर्दी भारतीय संघाला पाहण्यासाठी जमली होती.

'भारतीय संघाने टी२० वर्ल्ड कप २०२४ स्पर्धेत बार्बाडोसला झालेल्या अंतिम सामन्यात दक्षिण आफ्रिकेला ७ धावांनी पराभूत केले होते. अंतिम सामन्यानंतर बार्बाडोसला आलेल्या चक्रीवादळामुळे भारतीय संघ काही दिवस तिथे अडकला होता. मात्र, त्यानंतर गुरुवारी भातीय संघ मायदेशी परतला.