South Indian Chutney: वरण भातासोबत खा ‘ही’ साउथ इंडियन चटणी, झटपट वाचा रेसिपी

ही चटणी बनवण्यासाठी दोन मध्यम आकाराचे कांदे, दोन पिकलेले मोठे टोमॅटो, चतुर्थांश कप शेंगदाणे, तीन ते चार सुक्या लाल मिरच्या, दोन टेबलस्पून तेल, मोहरी, चणा डाळ, कढीपत्ता, लसूण, थोडं आलं, मीठ आणि आंबटपणासाठी थोडी चिंच लागते. सर्वप्रथम कढईत तेल गरम करून त्यात सुक्या लाल मिरच्या परताव्या. त्यानंतर चिरलेला कांदा, लसूण आणि आलं घालून कांदा मऊ आणि किंचित सोनेरी होईपर्यंत परतावा. यामुळे चटणीचा बेस चवदार बनतो.