Sharad Pawar : शरद पवारांचे उद्याचे सर्व कार्यक्रम रद्द; प्रकृतीमुळे घेतला निर्णय

सध्या शरद पवार हे बारामती येथील त्यांचं निवासस्थान असलेल्या गोविंद बागेत आहेत. दुपारची सांगता सभा झाल्यानंतर ते गोविंद बागेत आले, यानंतर आज शरद पवार हे येथेच मुक्काम करणार असल्याची माहिती मिळत आहे.

दरम्यान, शरद पवार हे गेल्या अनेक दिवसांपासून महाविकास आघाडीचे ज्येष्ठ नेते असल्याने राज्यभरात अनेक ठिकाणी सभा घेत होते. मविआच्या उमेदवारांच्या प्रचारासाठी त्यांनी राज्यभरात अनेक ठिकाणी दौरे केले आहेत. सततचे कार्यक्रम आणि दौऱ्यांमुळे झालेल्या धगधगीमुळे त्यांना आता अस्वस्थ वाटतं असावं, असं बोललं जात आहे.

दरम्यान, याबाबत  शरद पवार गटाच्या काही नेत्यांशी संपरक साधला. यावेळी शरद पवार गटाच्या नेत्यांनी सांगितलं की, त्यांची तब्येत स्थिर असून एक दिवस विश्रांती म्हणून उद्याचे सगळे कार्यक्रम रद्द करण्यात आले आहे.