Sharad Pawar: शरद पवार यांची प्रकृती बिघडली, पुण्यातील रुबी हॉल क्लिनिकमध्ये हलवलं

राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांची प्रकृती बिघडली. त्यांना उपचारासाठी पुण्यातील रुबी हॉल क्लिनिकमध्ये दाखल केले जाणार आहे. शरद पवार सध्या बारामतीमध्ये आहेत. आता त्यांना उपचारासाठी बारामतीवरून पुण्यात आणले जाणार आहे. मिळालेल्या माहितीनुसार, शरद पवार गेल्या काही दिवसांपासून आजारी आहेत. त्यांना ताप, खोकला आणि कफ झाला आहे. आज सकाळपासून त्यांना जास्त त्रास होऊ लागला. त्यामुळे त्यांना उपचारासाठी रुबी हॉल क्लिनकला हलवण्यात येणार आहे.