Samruddhi Mahamarg Accident : अतिवेग जीवावर बेतला! समृद्धी महामार्गावर कारचा भयानक अपघात; थरकाप उडवणारी घटना

Samruddhi Mahamarg Accident : विकासाचा मार्ग म्हणून ओळखल्या जाणाऱ्या समृद्धी महामार्गावर अपघातांचं सत्र सुरूच आहे. दररोज महामार्गावर दररोज किरकोळ तसेच गंभीर स्वरुपाचे अपघात घडत आहेत. एकीकडे परिवहन विभाग अपघाताचं प्रमाण रोखण्यासाठी शर्थीचे प्रयत्न करत असताना, दुसरीकडे मंगळवारी समृद्धी महामार्गावरील बुलडाण्याजवळ कारचा भयानक अपघात झाला.

या अपघातात कारमधील एका व्यक्तीचा मृत्यू झाला असून ४ जण गंभीर जखमी झाले आहेत. अपघाताची माहिती मिळताच, स्थानिकांसह पोलिसांनी तातडीने घटनास्थळी धाव घेतली. जखमींना उपचारासाठी जालना येथील रुग्णालयात दाखल करण्यात आलं आहे.

Tamil Nadu Bus Accident : तामिळनाडूमध्ये भीषण बस अपघात! दोघांचा मृत्यू; ७० जण जखमी

समृद्धी महामार्गावर कारचा भयानक अपघात

समृद्धीवरील नागपूर कोरीडॉरवर सिंदखेडराजा नजीक चॅनेल क्रमांक ३३५ वर हा अपघात झाला. मिळालेल्या माहितीनुसार, अपघातग्रस्त कार नागपूरवरून नाशिकच्या दिशेने निघाली होती. दुपारी दोन वाजेच्या सुमारास कार सिंदखेडराजाजवळ आली असता, चालकाचे कारवरील नियंत्रण सुटले.

काही कळण्याच्या आत कार अनिंयत्रित होऊन दुभाजकाला धडकली. या भीषण अपघातात कारमधील पाच जण गंभीर जखमी झाले. त्यांना तातडीने उपचारासाठी जालना येथील रुग्णालयात दाखल करण्यात आले. मात्र, उपचार सुरू असताना एकाचा मृत्यू झाला. या घटनेनं परिसरातून हळहळ व्यक्त होत आहे.

समृद्धी महामार्गावर अपघातांचं प्रमाण वाढलं.

उद्घाटनापासूनच चर्चेचा विषय ठरलेल्या ७०० किमी लांबीच्या समृद्धी महामार्गावर जानेवारी ते एप्रिल या चार महिन्यांतच ३५८ अपघात घडले असून, यात ३९ जणांना प्राण गमवावे लागले आहेत. सर्वाधिक १०४ अपघात चालकाला डुलकी लागल्याने किंवा शेकडो किमीच्या सलग प्रवासाने थकल्यामुळे घडले आहेत, असे महामार्ग पोलिसांनी म्हटले आहे.