Samruddhi Highway Accident : समृद्धी महामार्गावर कारचा भीषण अपघात, टायर फुटल्यानंतर कार 3 वेळा उलटली

Samruddhi Highway Accident : समृद्धी महामार्गावरील अपघाताची मालिका सुरुच आहे. आज सकाळी ६ वाजताच्या सुमारास टायर फुटल्याने कारचा अपघात झाला आहे, वाशिमच्या मालेगांवच्या टोलनाक्यापासून ५०० मीटर आतंरावर गाडीचा टायर फुटल्याने हा भीषण अपघात झाला. या अपघातात तीन जण जखमी झाल्याची माहिती आहे आहे.

तीन दिवसात समृद्धी महामार्गवर टायर फुटल्याच्या तीन घटना समोर आल्या आहेत. सुदैवानं यात जीवितहानी झाली नाही. मात्र या तीन अपघातात आतापर्यंत दहा जण जखमी झाले आहेत. 

मालेगावहून मुंबईकडे जात असताना टोल नाका पार करताच ५०० मीटर आंतरावर गाडीचा टायर फुटल्याने गाडीने तीन वेळी पलटी झाली. तीन जण यात जखमी झाले आहेत. वैष्णवी ठाकुर (वय १९ वर्ष), अंकुश पुसदकर (वय ५५ वर्ष), आयातसिंग ठाकुर (वय ५१ वर्ष)अशी जखमींची नावं आहेत. 

अपघातानंतर नागरिकांनी तातडीने १०८ वर फोन करताच आवघ्या काही मिनिटात रुग्नवाहिका घटनास्थळी दाखल झाली. रूग्नवाहिकेत अपघातामधील जखमींना सर्वतोपरी उपचार देण्यात आले आणि पुढील उपचाराकरिता क्रिटिकल हॉस्पिटल वाशिम येथे भरती केले.