Rohit Pawar News : स्वार्थासाठी बाहेर पडलेल्यांकडे आगामी काळात पक्ष नसेल; आमदार रोहित पवार

Rohit Pawar News : कितीही चर्चा झाली तरी खरी राष्ट्रवादी ही शरद पवार साहेबांकडेच राहणार. जे लोक स्वार्थासाठी व स्वतःच्या हितासाठी  सत्तेत जावून बसले आहेत. त्यांची भाषा बदलेली आहे. ती कशी बदलली हे आपण सर्वांनी बघितलं आहे. त्यामुळं येत्या काळात त्यांच्याकडे पक्ष नसणार; असे मत आमदार रोहित पवार  यांनी व्यक्त केले आहे.

आमदार  रोहित पवार यांची युवा संघर्ष संवाद यात्रा वाशिममध्ये दाखल झाली आहे. या यात्रेदरम्यान  रोहित पवार यांनी राष्ट्रवादी पक्ष कोणाचा यावर होत असलेल्या सुनावणीबाबत आपली प्रतिक्रिया मांडली, तसेच  भाजपवर निशाणा साधताना द्वेषाचं राजकारण  भाजपकडून केलं जाते. हिंदू- मुस्लिम करण्याचा प्रयत्न, ओबीसी मराठा करण्याचा प्रयत्न सत्तेच्या लोकांनी केला असल्याचा आरोप देखील त्यांनी व्यक्त केला. 

Manoj Jarange Patil News : जालन्यातील सभेत १४८ जेसीबी असणार, हे शक्तीप्रदर्शन कशासाठी? मनोज जरांगे स्पष्टच म्हणाले…

बीडमधील जाळपोळमध्ये सत्तेतील व्यक्तीचा हात 

बीडमध्ये जी जाळपोड झाली त्याच्या मागे एका शक्तिशाली व्यक्तीचा हात होता. सत्तेत असलेल्या व्यक्तीचा हात होता. सात तास जाळपोळ सुरू होती, तेव्हा पोलीस शांत बसले होते. पोलीस केव्हा शांत बसतात जेव्हा सत्तेतला व्यक्ती आदेश करतो तेव्हा ते शांत बसतात. अशा प्रकारे तिथे जाळपोळ करत मराठा ओबीसी समाजामध्ये गढून करण्याचा प्रयत्न झाला.