Rohit Pawar News : अजितदादा, सुप्रिया ताईंनंतर आता रोहितदादा 'भावी मुख्यमंत्री'; पुण्यातील बॅनरमुळे चर्चांना उधाण

रोहित पवारांना वाढदिवसानिमित्त शुभेच्छा देताना त्यांचा उल्लेख भावी मुख्यमंत्री असा करण्यात आला आहे. पुणे-मुंबई द्रुतगती मार्गावरील उर्से टोल नाक्यावर लागलेले हे फ्लेक्स सर्वांचं लक्ष वेधून घेत आहेत. 

रोहित पवार समर्थकाने वाढदिवसाच्या शुभेच्छा देणारे हे फ्लेक्स झळकावले आहेत. रोहित पवारांना अजित पवारांची जागा घ्यायची आहे, असा गौप्यस्फोट अजितदादांच्या समर्थक पदाधिकारी आणि आमदारांनी केला होता. आज भावी मुख्यमंत्र्यांच्या शुभेच्छांच्या निमित्ताने यावर शिक्कामोर्तब झाल्याची चर्चा सध्या रंगलेली आहे. 

बॅनरवर काय लिहिले?

'महाराष्ट्र राज्याचे नव्या विचाराचे, अभ्यासू युवा नेतृत्व भावी मुख्यमंत्री आमदार रोहित पवार...'. योगे राजाराम कामठे यांनी हे बॅनर लावले आहेत.