पुणे : जोरदार पावसात मानाचा पाचवा केसरी वाडा गणपतीचे ढोल ताशांच्या गजरात आगमन

पुणे : आपल्या लाडक्या गणरायाचे आगमन १९ सप्टेंबर रोजी होणार असून जवळपास महिनाभराचा कालावधी राहिला आहे. त्या पार्श्वभूमीवर गणेश मंडळ आणि प्रत्येकाच्या घरात गणरायाच्या आगमनानिमित्त यंदाच्या वर्षी कोणता देखावा करायचा, कशा प्रकारे गणरायाचे स्वागत करायचे याची चर्चा सुरू आहे. त्याच दरम्यान आज पुणे शहरातील मानाचा पाचवा केसरी वाडा गणपतीचे जोरदार पावसात आणि ढोल ताशांच्या गजरात आगमन झाले.

आपल्या गणरायाचे स्वागत करण्यासाठी पुणेकर नागरिकांनी गर्दी केली होती. तर मिरवणुकीचे दृश्य आपल्या कॅमेऱ्यात कैद करताना अनेक पुणेकर नागरिक पाहण्यास मिळाले. ही मिरवणूक पालखीमधून रमणबाग शाळा, ओंकारेश्‍वर मंदिर, नारायण पेठ पोलीस चौकी आणि केसरी वाडा या मार्गाने काढण्यात आली.

Chandrayaan-3 Update : चांद्रयान- 3 चंद्रापासून अवघ्या 25 किमी अंतरावर, आता प्रतीक्षा सॉफ्ट लँडिंगची

मानाचा पाचवा केसरी वाडा गणपतीचे अध्यक्ष दीपक टिळक, विश्वस्त रोहित टिळक यांच्यासह मंडळाचे आजी माजी पदाधिकारी उपस्थित होते. यावेळी रोहित टिळक म्हणाले की, गणरायाच्या आगमनाची आपण सर्वजण वर्षभर आतुरतेने वाट पाहत असतो. त्या गणपती बाप्पाचे १९ सप्टेंबर रोजी आगमन होणार आहे. पण मानाचा पाचवा केसरी वाडा येथील बाप्पाचे आगमन टिळक पंचांगानुसार दरवर्षी होत असते. त्यानुसार आज गणपतीचे आगमन होते. त्या पार्श्वभूमीवर केसरीवाडा येथे पुढील महिनाभर विविध कार्यक्रमांच आयोजन केले जाणार असल्याचे त्यांनी सांगितले.



विडियो गॅलेरी

Leave a Reply

Your email address will not be published. Required fields are marked *