Pune : सर्वात महत्त्वाची बातमी! पुण्यातून सुटणाऱ्या अनेक रेल्वे गाड्या रविवारी रद्द; कोणत्या ट्रेन धावणार नाहीत; जाणून घ्या...

Pune : पुण्यातून सुटणाऱ्या अनेक रेल्वे गाड्या रविवारी रद्द करण्यात आल्या आहेत. तांत्रिक कामांमुळे पुणे रेल्वे स्थानकातून सुटणाऱ्या एकूण 12 रेल्वे गाड्या रविवारी रद्द करण्यात आल्या आहेत. चिंचवड ते खडकी रेल्वे स्टेशन दरम्यान सुरू असलेल्या तांत्रिक कामांसाठी रविवारी लोकल रेल्वे गाड्या बंद राहणार आहेत. पुणे रेल्वे स्थानकातून लोणावळ्याच्या दिशेने जाणाऱ्या 12 गाड्या तर पुण्याच्या दिशेने येणाऱ्या 12 गाड्यांच्या फेऱ्या रद्द करण्यात आल्याची माहिती रेल्वे प्रशासनाकडून देण्यात आली आहे.

पुणे स्थानकातून सुटणाऱ्या लोकल आणि एक्सप्रेस ट्रेन रद्द करण्यात आल्या आहेत. पुणे-लोणावळा, पुणे-तळेगाव, डेक्कन एक्सप्रेस, कोयना एक्सप्रेस या रेल्वे गाड्यादेखील रविवारी धावणार नाहीत. विशेष म्हणजे शनिवार आणि रविवारी सुट्टी असल्याने अनेक जण मुंबईहून पुण्याला जातात किंवा पुण्याहून मुंबईत प्रवास करुन येतात. या दोन दिवशी मुंबई-पुणे महामार्गावर प्रचंड वाहतूक कोंडी होत असते. अशा परिस्थितीत आता अनेक रेल्वे गाड्या रद्द करण्यात आल्याने प्रवाशांचे हाल होण्याची शक्यता आहे.

Nashik Politics : नाशिकमध्ये शरद पवार गटाने एका रात्रीत उभारलं 'राष्ट्रवादी भवन', अजित पवार गटाच्या शेजारीच नवं कार्यालय

पुणे अप मार्गावर ‘या’ गाड्या धावणार नाहीत

पुणे – लोणावळा (वेळ 7.15) पुणे – तळेगांव (वेळ 7.38) शिवाजीनगर – लोणावळा (वेळ 8.50) पुणे – तळेगांव (वेळ 9.43) पुणे – लोणावळा (वेळ 10.42) पुणे – लोणावळा (वेळ 12.02 पुणे – लोणावळा (वेळ 15.45) डेक्कन एक्सप्रेस (वेळ 15.57) पुणे – तळेगांव (वेळ 16.32) कोयना एक्सप्रेस (वेळ 16.42) पुणे – लोणावळा (वेळ 17.10) शिवाजीनगर – लोणावळा (वेळ 17.56)

पुणे डाऊन मार्गावर ‘या’ गाड्या धावणार नाहीत

लोणावळा – शिवाजीनगर (वेळ६.५६) तळेगांव – पुणे (वेळ 7.48) लोणावळा – पुणे (वेळ 7.53) लोणावळा – पुणे (वेळ 8.46) तळेगांव – पुणे (वेळ 9.57) डेक्कन एक्सप्रेस (वेळ 10.10) लोणावळा – शिवाजीनगर (वेळ 10.31) कोयना एक्सप्रेस (वेळ 11.35) लोणावळा – पुणे (वेळ 15.16) तळेगांव-पुणे (वेळ 16.40) लोणावळा – पुणे (वेळ 19.25)