Pune News : बांगलादेशी घुसखोरांवर कारवाई करावी; भाजपच्यावतीने पोलिस आयुक्तांना निवेदन

पुणे - शहरात बांगलादेशी नागरिक मोठ्या प्रमाणावर बेकायदेशीर वास्तव्य करीत आहेत. अशा बांगलादेशी घुसखोरांवर तातडीने कारवाई करण्यात यावी, अशी मागणी शहर भाजपच्या वतीने करण्यात आली आहे. याबाबतचे निवेदन शहराध्यक्ष धीरज घाटे यांनी पोलिस आयुक्तांना दिले.

शहरात बांगलादेशी घुसखोर बेकायदेशीररीत्या वास्तव्यास असल्याचे पोलिस तपासात समोर आले आहे. पोलिसांनी कोथरूड येथून दोन दहशतवाद्यांना नुकतीच अटक केली. या पार्श्वभूमीवर शहर भाजपच्या वतीने गुरुवारी पोलिस आयुक्त रितेश कुमार यांना निवेदन देण्यात आले. शहराच्या सुरक्षिततेच्या दृष्टीने बांगलादेशी घुसखोरांवर कारवाई करावी, अशी मागणी शहराध्यक्ष घाटे यांनी केली.

Maharashtra Udyog Ratna Award : राज्य सरकारचा पहिलाच 'उद्योग रत्न' पुरस्कार रतन टाटा यांना जाहीर

या प्रसंगी भाजपचे प्रदेश सरचिटणीस मुरलीधर मोहोळ, प्रदेश प्रवक्ते संदीप खर्डेकर, माजी आमदार योगेश टिळेकर, माजी सभागृह नेते श्रीनाथ भिमाले, माजी नगरसेवक सुशील मेंगडे, दीपक पोटे, अजय खेडेकर, राजेंद्र शिळीमकर, धनराज घोगरे, बापू मानकर, विकास लवटे आदी उपस्थित होते.