Pune News : धक्कादायक! प्रियकराच्या त्रासाला कंटाळून विवाहित महिलेची आत्महत्या; कात्रज परिसरातील घटना

Pune News : कात्रज परिसरातील दरी पुलावरून उडी मारून एका विवाहित महिलेनं जीवन संपवलं आहे. प्रियकराच्या त्रासाला कंटाळून तिने आत्महत्या केल्याची माहिती मिळतेय. याबाबत सविस्तर वृत्त असं की, ही घटना कात्रज परिसरातील जांभूळवाडी येथे एक जून रोजी घडली आहे. याप्रकरणी पोलिसांनी आरोपीला अटक केली आहे.

पैशांच्या देवाण घेवाणीतून  शिरूर तालुक्यातील एका विवाहित महिलेची परपुरुषाशी ओळख झाली होती. ओळखीचे रूपांतर प्रेमसंबंधात  झालं. परंतु त्यानंतर प्रियकराने महिलेला त्रास देण्यास सुरुवात केली. त्याच्या त्रासाला कंटाळून या विवाहित महिलेने कात्रजजवळ दरी पुलावरून उडी मारून आत्महत्या केली. या प्रकरणी पतीने तक्रार (वय ४७) दिली आहे.