Pune Accident पुणे-बंगलोर महामार्गावर विचित्र अपघात; भलामोठा कंटेनर पुलावरुन थेट खाली रस्त्यावर कोसळला

मिळालेल्या माहितीनुसार, पुणे-बंगळुरु महामार्गावरुन हा कंटेनर जात होता. अचानक चालकाचं ट्रकवरील नियंत्रण सुटल्याने ट्रक दुभाजकला जाऊन धडकला. धडक एवढी जोरदार होती की कंटेनर दुभाजक मोडून थेट पुलाखाली कोसळला.

सुदैवाने यात कुठलीही जीवितहानी झालेली नाही. कंटेनर चालक जखमी झाला आहे. अपघात घडला त्यावेळी पुलाखालून जाणाऱ्या रस्त्यावरून कुणीही नसल्यामुळे मोठी दुर्घटना टळली आहे. कंटेनर कुठे जात होता? अपघात कसा झाला? याचा तपास आता पोलीस करत आहेत.