Pune Crime News: पुणे शहरात भरदिवसा भंगार व्यवसायिकाच्या मुलाचे अपहरण; ३० लाख रुपये खंडणी मागणाऱ्यांचा पोलिसांकडून अटक

Pune Crime : हॉटेल व्यवसाय सुरू करण्यासाठी तीन आरोपींनी एका भंगार व्यवसायिकाच्या मुलाचं अपहरण केलं आहे. पिंपरी चिंचवड शहरात ही धक्कादायक घटना घडली आहे. आरोपींनी १४ वर्षांच्या मुलाचे अपहरण करत ३० लाख रुपयांची खंडणी मागितली. पोलिसांनी या प्रकरणी आरोपींना ताब्यात घेतलं आहे. 

घटनेबाबत अधिक माहिती अशी की, पिंपरी चिंचवड पोलिसांच्या गुन्हे शाखा चार पोलीस पथकाने अपहरण करणाऱ्या तीनही आरोपींना अपहरण झाल्याच्या घटनेपासून फक्त चार तासाच्या आतच बेड्या ठोकल्या आहेत. तेजस, अर्जुन आणि विकास या तिघांनी मिळून आज सकाळी ताथवडे परिसरात राहणाऱ्या एका भंगार व्यवसायिकाच्या चौदा वर्षाचे मुलाचे मारुती झेन कारमध्ये अपहरण केलं होतं.