Pune Crime News : पुण्यासह मावळात मोठी कारवाई, हातभट्टी दारू अड्डयावर छापा; 1 कोटी 6 लाख 95 हजार रुपयांचा मुद्देमाल जप्त

मुठांवरे वेहेरगाव,आंबी अशा तीन गावांमध्ये ह्या अवैधरित्या गावठी दारू तयार करणे आणि विक्री करण्याच्या हातभट्ट्या होत्या. तळेगाव राज्य उत्पादन शुल्क विभागाचे वरिष्ठ पोलीस निरीक्षक संजय सराफ यांना माहिती मिळताच त्यांनी तीन टीम तयार करून तिन्ही ठिकाणी छापा टाकला. सर्व हातभट्टी दारू तयार करण्याचा रसायन नष्ट केले.

दरम्यान पोलिसांची चाहूल लागतात गावठी हातभट्टी तयार करणारे मालक पसार होण्यात यशस्वी झाले. लोकसभेच्या पार्श्वभूमीवर राज्य उत्पादन शुल्क तळेगाव दाभाडे विभागाने ही कारवाई केली. एकूण तीन ठिकाणी छापा टाकून चार हजार 900 लिटर गावठी हातभट्टी दारू ज्याची किंमत एक लाख 88 हजार असून ती पूर्ण नष्ट करण्यात आली आहे.