Pune Crime News : पोलीसांची धाड, तो जीव मुठीत घेऊन पळाला; इमारतीच्या पाचव्या मजल्यावरून पाय घसरला अन् मृत्यू

पोलिसांचे पथक कारवाईसाठी गेले असताना सर्वजण पळू लागले. पोलिसांनी काहींचा पाठलाग करून त्यांना ताब्यात घेतले. अशात विश्वनाथ बिरेदारल देखील यामध्ये होता. पोलीस कारवाई नको म्हणून तो देखील पळू लागला. पळताना तो थेट इमारतीच्या पाचव्या मजल्यावर पोहचला. तेथून त्याचा पाय घसरून तो थेट खाली पडला. यातच या व्यक्तीचा मृत्यू झाला आहे.

बैलगाडा धडकल्यानं जखमी होऊन मृत्यू

पुण्याच्या भोरमध्ये बैलगाडा शर्यतीमध्ये देखील काल एका व्यक्तीने आपला जीव गमावला आहे. शर्यत पाहण्यासाठी आलेल्या एका व्यक्तीला बैलगाडा धडकल्यानं जखमी होऊन त्याचा मृत्यू झालाय.

विष्णू गेनबा भोमे असं मृत व्यक्तीचं नाव आहे. बैलगाड्याची धडक बसल्याने भोमे यांच्या डोक्याला आणि छातीला गंभीर दुखापत झाली होती. त्यांनतर त्यांना एका खाजगी रुग्णालयात दाखल करण्यात आलं होतं. मात्र उपचारा दरम्यान त्यांचा मृत्यू झालाय.