Pune Crime: पुण्यातील रस्त्यांवर टोळक्यांची दहशत; १७ वर्षीय मुलावर धारदार शस्त्राने जीवघेणा हल्ला

हाती आलेल्या माहितीनुसार, सायंकाळी साडे पाच वाजण्याच्या सुमारास ही घटना घडली. हल्लेखोर दोन दुचाकींवरून आले होते, त्यांनी तोंडाला रुमाल बांधले होते. हल्लेखोरांनी तरुणावर धारदार शस्त्राने वार केल्याने अल्पवीन मुलगा गंभीररीत्या जखमी झाला. भररस्त्यात तो रक्ताच्या थारोळ्यात पडला. जखमी मुलाला पोलीस आणि स्थनिकांनी तातडीने रुग्णालयात दाखल केले. त्याची प्रकृती गंभीर असल्याची माहिती डॉक्टरांनी दिली आहे. दरम्यान याप्रकरणी सिंहगड रस्ता पोलीस ठाण्यात गुन्हा दाखल करण्याची प्रक्रिया सुरू आहे. सिंहगड रस्त्यावर टोळक्याच्या दहशतीने सर्वसामान्य नागरिक भयभीत झालेत.