Pune Crime: पुण्यात मध्यरात्री गोळीबाराचा थरार, धाडधाड करत ३ गोळ्या झाडल्या; नागरिक घाबरले

पुण्यामध्ये मध्यरात्री गोळीबाराची घटना घडली. पुण्यातील गुलटेकडी परिसरात ही गोळीबाराची घटना घडली. अल्पवयीन सराईत आरोपीने गोळीबार केल्याची प्राथमिक माहिती समोर आली आहे. आरोपीने दोन ते तीन राऊंड फायर केले. परिसरात दहशतीचे वातावरण निर्माण करण्यासाठी त्याने हवेत गोळीबार केला. दोन गटातील वादातून हा गोळीबार झाला आहे. गोळीबारामध्ये कुणीही जखमी नाही, अशी माहिती पुणे पोलिसांकडून देण्यात आली. मध्यरात्री घडलेल्या या गोळीबाराच्या घटनेमुळे गुलटेकडी परिसरात काही काळ भीतीचे वातावरण होते. घटनेची माहिती मिळताच पुणे पोलिसांनी घटनास्थळी धाव घेतली असून ते तपास करत आहेत. परिसरातील सीसीटीव्ही फुटेज तपासले जात आहेत.