पुणे : बांधकाम व्यावसायिक अविनाश भोसले यांना CBI कडून अटक

पुणे : डीएचएफएल प्रकरणात तीनशे कोटीपेक्षा जास्तची फसवणूक केल्याप्रकरणी बांधकाम व्यावसायिक अविनाश भोसले यांना CBI कडून अटक करण्यात आली आहे. गेल्या काही दिवसांमध्ये अविनाश भोसले यांच्या पुणे-मुंबई परिसरात सीबीआयने छापेमारी केली होती, त्यानंतर आज त्यांना अटक करण्यात आली आहे.

प्रसिद्ध बांधकाम व्यावसायिक व उद्योजक अविनाश भोसले यांना येस बॅंक आणि डीएचएफएल बॅंक गैरव्यवहार प्रकरणी केंद्रीय गुन्हे अन्वेषण विभागाने (CBI) गुरुवारी अटक केली. भोसले यांच्या घरावर एप्रिल महिन्यातच सीबीआयने छापे घातले होते. तर मागील वर्षी "सीबीआय'ने त्यांची तब्बल 40.34 कोटी रुपयांची मालमत्ता जप्त केली होती.