Pune : पुण्यात भीषण अपघात! भरधाव कार थेट मेट्रोच्या खांबावर; दोन तरुणांचा जागीच मृत्यू, थरारक CCTV फुटेज समोर

Pune : बंडगार्डन मेट्रो स्टेशनखाली शनिवारी पहाटेच्या सुमारास एका कारचा भीषण अपघात झाला आहे. या अपघातात कारमधील दोन प्रवाशांचा म़त्यू झाला असून तिसरा गंभीर जखमी झाला आहे. अपघातातील सर्व तरुण हे चुलत भाऊ असल्याची माहिती समोर आली आहे. ही संपूर्ण घटना सीसीटीव्ही कॅमेरामध्ये कैद झाली असून, हा थरारक व्हिडीओ समोर आला आहे.

पुण्यातील कोरेगाव पार्क परिसरात रविवारी (2 नोव्हेंबर) मध्यरात्री बंड गार्डनर मेट्रो स्टेशनखाली झाला हा अपघात झाला आहे. मिळालेल्या माहितीनुसार, एक काळ्या रंगाची पोलो कार ही मेट्रो स्टेशनखालील रस्त्याने पिंपरीच्या दिशेने वेगाने जात होती. त्यावेळी वाहनचालकाचे कार वरील नियंत्रण सुटले, त्यामुळे ती जोरात थेट जाऊन मेट्रो स्टेशनच्या खांबाला आदळली. या धडकेत कारचा चेंदामेंदा झाला असून दोन तरुणांचा जागीच मृत्यू झाला. तर एक तरुण गंभीर जखमी झाला आहे. त्याच्यावर सध्या रुग्णालयात उपचार सुरू आहेत.

Matheran : माथेरानमध्ये मोठी कारवाई! सुमारे 400 घोडे झाले बेघर; पोलिस बंदोबस्तात कारवाई, अश्वपाल बांधवांचा आक्रोश

या दुर्घटनेत यश प्रसाद भंडारी (वय 23, रा. थेरगाव, पिंपरी चिंचवड) ऋत्विक ऊर्फ ओम विनायक भंडारी (वय 23, रा. पिंपरीगाव, पुणे) अशी मृत तरूणांची असून हे दोघे चुलत भाऊ होते.तर या अपघातात गंभीर जखमी झालेल्या तरुणाचे नाव खुशवंत टेकवाणी असे असून त्याच्यावर ससून रुग्णालयात उपचार सुरू आहेत. त्याच बरोबर मृत तरूणांचे मृतदेहही ससून रुग्णालयात पोस्टमार्टमसाठी पाठवण्यात आला असून, वाहन चालक मद्यधूंद अवस्थेत कार चालवत होता का याचा तपास सुरू आहे.

अपघाताचे नेमके कारण अद्याप स्पष्ट झालेले नाही, मात्र प्राथमिक अंदाजानुसार वाहनावरील ताबा सुटल्यामुळे ही दुर्घटना झाल्याची शक्यता पोलिसांनी वर्तवली आहे. त्याचबरोबर, अपघाताचे धक्कादायक सीसीटीव्ही फूटेज समोर आले असून, त्यामध्ये कार भरधाव वेगात खांबाला आदळून कारचा चूरा होताना दिसून येत आहे. दरम्यान, घटनेची माहिती मिळताच बंडगार्डन पोलीस ठाण्याचे पथक घटनास्थळी दाखल झाले असून पुढील तपास सुरू आहे. या घटनेने परिसरात हळहळ व्यक्त होत आहे.