Pune Crime: सोशल मीडियावरून मैत्री, वारंवार अत्याचार, नंतर गर्भधारणा, 14 वर्षीय मुलीसोबत जे झालं त्यानं पुणे हादरलं

Pune Crime : पुण्यात दिवसेंदिवस गुन्हेगारी वाढत आहे. तर अत्याचाराच्या घटनांमध्येही वाढ होत आहे. अशातच पिंपरी चिंचवडमधून एक धक्कादायक घटना समोर आली आहे. पिंपरी चिंचवडमध्ये एका 14 वर्षीय मुलीवर वारवार बलात्कार करून तिला गर्भधारणा केल्याप्रकरणी एका व्यक्तीला अटक करण्यात आली आहे. 23 वर्षीय आरोपीने मुलीशी सोशल मीडिया साइटवर मैत्री केली आणि त्यानंतर या वर्षी एप्रिल ते जून दरम्यान तिच्यावर अनेक वेळा बलात्कार केला. या घटनेनं परिसरात खळबळ उडाली आहे.

मिळालेल्या माहितीनुसार, कार्तिक कांबळे असं या घटनेतील आरोपीचे नाव आहे. कार्तिकने सोशल मीडियावरून तरुणीसोबत मैत्री केली. त्यानंतर आरोपीने तिचा लैंगिक छळ केला आणि घरच्यांना सांगितल्यास जीवे मारण्याची धमकीही दिली. कार्तिक कांबळेने इंस्टाग्रामच्या माध्यमातून अल्पवयीन मुलीशी मैत्री केली होती. एप्रिल ते जून दरम्यान पीडितेवर अनेकदा बलात्कार केला. त्यामुळे पीडित मुलगीही गरोदर राहिली.

Mumbai :मूक आंदोलनातून सरकारची कोंडी? बंदला मज्जाव केल्यानंतर मविआचा नवा पवित्रा

त्यानंतर तरुणीने पोलीस स्थानकात धाव घेतली. त्यामुळे पोलिसांनी आरोपीला अटक करून न्यायालयात हजर केले आणि ४ दिवसांची पोलीस कोठडी सुनावली. आरोपीविरुद्ध भारतीय दंड संहिता आणि लैंगिक अपराधांचे संरक्षण कायद्यांतर्गत बलात्कार आणि इतर गुन्ह्यांचे आरोप ठेवण्यात आले आहेत. सध्या या प्रकरणाचा पुढील तपास सुरू आहे. या घटनेची माहिती देताना एसीपी सुरेश कुराडे यांनी सांगितले की, पीडित महिला तिच्या कुटुंबीयांसह पोलीस ठाण्यात तक्रार देण्यासाठी पोहोचली होती. त्यावर कारवाई करत पोलिसांनी आरोपीला अटक केली. पीडितेने तक्रारीत म्हटले आहे की, तिने इंस्टाग्रामच्या माध्यमातून आरोपीशी संपर्क साधला होता.