Prakash Ambedkar : उद्धव ठाकरे पुन्हा भाजपसोबत जाणार नाहीत याची गॅरंटी काय? प्रकाश आंबेडकरांचा सवाल

राज्यात सध्या लोकसभा निवडणुकीची धामधूम सुरू आहे. सर्वच राजकीय पक्ष आपआपल्या उमेदवारांचा जोरदार प्रचार करत आहेत. प्रकाश आंबेडकर यांनी देखील वंचितच्या उमेदवारांचा प्रचार सुरु केला आहे. ते स्वत: अकोला लोकसभा मतदारसंघातून निवडणुकीच्या रिंगणात उतरले आहेत.

महाविकास आघाडीसोबत जागावाटपाची बोलणी फिस्कटल्यानंतर प्रकाश आंबेडकरांनी वंचितचे जवळपास ३५ उमेदवार निवडणुकीच्या मैदानात उतरवले आहेत. तर काही जागांवर त्यांनी काँग्रेसला पाठिंबा देखील दिला आहे. यावरुन तुम्ही विशिष्ट ठिकाणीच पाठिंबा देताय असं का? असा प्रश्न आंबेडकरांना विचारण्यात आला.

यावर उत्तर देताना प्रकाश आंबेडकर म्हणाले, "त्याचं कारण असं आहे की, ते नाहीच येत. उद्धव ठाकरे  यांचा गट स्वतंत्र राहिल आणि भाजपसोबत जाणार नाही याची काहीच गॅरंटी नाही, असं आंबेडकर म्हणाले. त्याचं कारण असं आहे की, शिवसेनेचा इतिहास आहे की ते भाजपचा भाग राहिले