Police Patil Bharti : 'पोलीस पाटील भरतीमध्ये मोठा घोळ'; चौकशी होत नसल्याने अपात्र उमेदवारांकडून आमरण उपोषणाला सुरूवात

या परीक्षेवरून सुरुवातीला उमेदवारांनी सीसीटीव्ही फुटेज आणि लेखी परीक्षेच्या गुणांची तपासणी करण्याबाबत निवेदन दिले होते. तेव्हा केलेल्या आंदोलनाची दखल उपविभागीय अधिकारींनी घेतली होती. तसेच मागणी पूर्ण करण्याचे आश्वासन दिले.

पोलीस पाटील भरतीमध्ये पात्र उमेदवार मेहनतीने नाही तर पैसे भरून पास झाले आहेत, असा आरोप करण्यात आलाय. पैसे भरलेल्या उमेदवारांना मुलाखतीच्यावेळी विशिष्ट रंगाचे कपडे घालण्यास सांगण्यात आले होते, असाही आरोप अपात्र उमेदवारांनी केला आहे. आता जिल्हा प्रशासन याकडे कशाप्रकारे बघते हे पहाणे महत्त्वाचे ठरणार आहे.