Parbhani Crime : रागाच्या भरात दाम्पत्याने संपवलं जीवन; दाेन चिमुकली झाली पाेरकी, गाव गहिवरलं

Parbhani Crime News : पती पत्नी शेताकडे जात असताना वाटेत दाेघांत वाद झाला. त्यानंतर रागाच्या भरात पतीने आत्महत्या करण्याचा प्रयत्न केला. त्यापाठोपाठ पत्नीनेही पतीच्या कृत्याचे अनुकरण केले. या घटनेत दोघांचाही मृत्यू झाला.

ही घटना पालम तालुक्यातील नाव्हा येथे घडली. या दाम्पत्यास दोन वर्षाची मुलगी, सहा महिन्याचा मुलगा आहे. दाेघांच्या आत्महत्येने दोन्ही अपत्य पोरके झाली आहे. पाेलिसांनी दिलेल्या माहितीनूसार सुधाकर रंगनाथ केडाळे (वय 29) आणि ज्योती सुधाकर केडाळे (वय 27) अशी आत्महत्या केलेल्या पती (husband), पत्नीचे (wife) नाव आहे.

पाेलिसांनी घटनेबाबत दिलेली माहिती अशी - सुधाकर आणि त्यांची पत्नी ज्योती हे दोघेजण सोमवारी सकाळी अकरा वाजता शेतात जात होते. वाटेमध्ये त्यांचा वाद झाला. रागाच्या भरात सुधाकर केडाळे यांनी आत्महत्या करण्याचा प्रयत्न केला. त्याच्या पाठोपाठ पत्नीनेही आत्महत्येचा प्रयत्न केला. या घटनेत दोघांचाही मृत्यू झाला. पाेलीस घटनेचा तपास करीत आहेत.