Ordnance Factory : भंडारा शहरात मोठी दुर्घटना; ऑर्डिनन्स फॅक्टरीत भीषण स्फोट, १ ठार

Ordnance Factory : घटनेबाबत मिळालेल्या अधिक माहितीनुसार, स्फोट इतका भीषण होता की यात आतमध्ये असलेल्या एका कर्मचाऱ्याचा यात जागीच मृत्यू झालाय. सी एक्स विभागात हा स्फोट झाला आहे. मृतकाचे नाव अविनाश मेश्राम असे आहे. सी एक्स हा केमिकलचा एक विभाग आहे.

अविनाश मेश्राम आज सकाळी पहिल्या शिफ्टमध्ये कामाला आले होते. ही शिफ्ट पहाटे 6 वाजता सुरू होते. काम करत असताना आपल्यावर एवढं मोठं संकट ओढावेल आणि आपला मृत्यू होईल अशी कल्पनाही त्यांच्या मनात आली नसेल. मात्र नियतीच्या मनात वेगळाच खेळ सुरू होता.