Odisha Train Accident : ओडिशात भीषण रेल्वे अपघात, कोरोमंडल एक्सप्रेसची मालगाडीला धडक, 132 जखमी

Odisha Train Accident: ओडिशात मोठा रेल्वे अपघात झाल्याची बातमी समोर आली आहे. पश्चिम बंगालमधील कोलकाता येथील हावडा स्थानकावरून तामिळनाडूतील चेन्नईला जाणारी कोरोमंडल एक्सप्रेस ओडिशातील बालासोर जिल्ह्यात मालगाडीला धडकली आहे.

मिळालेल्या माहितीनुसार, मालगाडीला धडक दिल्यानंतर कोरोमंडल एक्सप्रेसचे १८ डब्बे रुळावरुन घसरले आहेत. यात अनेकांचा मृत्यू झाल्याची भीती व्यक्त केली जात आहे. या अपघातात १३२ प्रवासी जखमी झाल्याची माहिती समोर आली आहे. जखमींना उपचारासाठी रुग्णालयात दाखल करण्यात आलं आहे.