Nitesh Rane : प्रकाश आंबेडकर सावध व्हा ! ज्या जागा तुम्ही जिंकू शकत नाही, मविआ तुम्हांला देत आहे : नितेश राणे

Nitesh Rane : आगामी काळात हाेणा-या लाेकसभा निवडणुकीसाठी महाराष्ट्रातील नेेते सज्ज झाले आहेत. राज्यातील काेणत्या मतदारसंघात काेणाला उमेदवारी द्यायची यासाठी महायुती  आणि महाविकास आघाडी  यांच्यात बैठका सुरु आहेत. यामध्ये प्रादेशिक पक्षातील उमेदवारांना सामावून घेताना नेेते मंडळींनी कसरत करावी लागत आहे. दरम्यान वंचित बहुजन आघाडीचे नेते प्रकाश आंबेडकर यांची महाविकास आघाडी फसगत करीत असल्याचे भाजपचे आमदार नितेश राणे  यांनी म्हटले. आंबेडकर यांनी सावध व्हावे असे आवाहनही राणे यांनी आज (शनिवार) सिंधुदूर्ग येथे माध्यमांशी बाेलताना केले.

आमदार नितेश राणे म्हणाले प्रकाश आंबेडकर ज्या जगा जिंकणार नाहीत त्याच जागा त्यांना देण्याचा प्रयत्न महाविकास आघाडी करत आहे. आंबेडकर नावासाठी प्रकाशजींनी योग्य निर्णय घ्यावा असे राणेंनी नमूद केले. ते म्हणाले डाॅ. बाबासाहेब आंबेडकर यांच्या कुटुंबियांचा अपमान महाविकास आघाडीचे नेते करीत आहे. त्यामुळे त्यांच्या कुटुंबियांनी स्वाभिमानासाठी याेग्य वेळी याेग्य निर्णय घ्यावा.

Pimpari Chinchwad : भोसरी पोलिसांची मोठी कारवाई! अट्टल दुचाकी चोरट्यास ठोकल्या बेड्या; तब्बल १६ गाड्या जप्त

यावेळी आमदार नितेश राणे यांनी माजी मुख्यमंत्री उद्धव ठाकरे  यांच्यावर देखील टीका केली. ते म्हणाले खासदार नितीन गडकरी यांच्या उमेदवारीची काळजी काेणी करु नये. पहिल्यांदा स्वतःच्या मुलाला (आदित्य ठाकरे) वरळीतून महाविकास आघाडीच्या नावाने निवडून आणून दाखवा आणि मग नितीन गडकरी यांच्यावर बोला असे राणेंनी नमूद केले.