NIA Attacked In Bengal: पश्चिम बंगालमध्ये एनआयएच्या पथकावर हल्ला, २ अधिकारी जखमी

मिळालेल्या माहितीनुसार, 2022 मध्ये तृणमूल काँग्रेस नेत्याच्या निवासस्थानी बॉम्बस्फोट झाला होता. या प्रकरणाची चौकशी करण्यासाठी NIA टीम आली होती. त्यानंतर हल्लेखोरांनी एनआयएच्या वाहनावर विटा आणि दगडफेक करण्यास सुरुवात केली. ही घटना आज (६ एप्रिल) पहाटे साडेपाचच्या सुमारास घडली.

हा बॉम्बस्फोट हल्ला 3 डिसेंबर 2022 रोजी झाला होता. यामध्ये 3 लोकांचा मृत्यू झाला होता. या प्रकरणी गेल्या महिन्यात एनआयएने टीएमसीच्या आठ नेत्यांना चौकशीसाठी समन्स पाठवले होते. यापूर्वीही या नेत्यांना हजर राहण्यास सांगितले होते, मात्र ते हजर झाले नाहीत. भाजपच्या इशाऱ्यावर एनआयए त्यांच्याविरोधात काम करत असल्याचा आरोप टीएमसी नेत्यांनी केला आहे.