New Zealand Earthquake : टर्कीपाठोपाठ न्यूझीलंडही हादरलं, ६.१ रिश्टर स्केलच्या भूकंपाचे धक्के

यूरोपियन-मेडिटेरेनियन सीस्मोलॉजिकल सेंटरने (EMSC) दिलेल्या माहितीनुसार वेलिंगटनच्या जवळ लोअर हटपासून ७८ किमी वायव्येला भूकंपाचे हादरे बसले. स्थानिक सरकारच्या भूकंपीय मॉनिटर जियोनेटद्वारे मिळालेल्या माहितीनुसार भूकंपाचे धक्के ४८ किमी खोल होते.जियोनेटने दिलेल्या माहितीनुसार भूकंपाचे धक्के संपूर्ण देशभरात जाणवले. या भूकंपामुळे किती नुकसान झालं आहे याबाबतची माहिती अद्याप मिळू शकलेली नाही.

चक्रीवादळानंतर भूकंपाचं संकट

न्यूझीलंडला मोठ्या चक्रीवादळाने काल रात्रीपासून झोडपलं आहे. देश यामधून सावरण्याचा प्रयत्न करत असतानाच भूकंपाचं मोठं संकट देशावर उद्भवलं आहे. गॅब्रियल चक्रीवादळाने न्यूझीलंडमध्ये मोठी वित्तहानी झाली आहे. यामध्ये आतापर्यंत चार जणांचा जीव दगावला आहे, तसेच १०,५०० लोकांना स्थलांतरित करण्यात आलं आहे.