Navi Mumbai Fire News : नवी मुंबईत जीन्स कंपनीला भीषण आग, अग्निशमन दलाचे अग्निबंब घटनास्थळी

Navi Mumbai Fire News : राज्यात दिवसभरात आगीची तिसरी घटना समोर आली आहे. मुंबईतील गोवंडीत झोपडपट्टीला आग, बोईसर-तारापूर एमआयडीसीतील कारखान्याला आग लागल्याच्या घटनेनंतर आता नवी मुंबईतही आगीची घटना घडली आहे. नवी मुंबईतील पावणे एमआयडीसीमधील एका जीन्स कंपनीला आग लागल्याची घटना घडली. शनिवारी दुपारच्या वेळेस ही आगीची घटना घडली आहे. या घटनेने कंपनीजवळील नागरिकांमध्ये एकच खळबळ उडाली. 

मिळालेल्या माहितीनुसार, नवी मुंबईतील पावणे एमआयडीसीमधील एका जीन्स कंपनीला आग लागल्याची घटना घडली आहे. या आगीत काही केमिकल ड्रमचे स्फोट देखील झाले. यामुळे कंपनीत आगीचा एकच भडका उडाला. यामुळे कंपनीत आगीची तीव्रता अचानक वाढली.  

Supriya Sule News : सुप्रिया सुळे संसदेत 'खासदार नंबर १', सलग दुसऱ्यांदा ठरल्या संसद महारत्न!

जीन्स कंपनीला आग लागल्यानंतर बाजूला असलेल्या कंपनीतही केमिकलचे ड्रम उडाले. त्यामुळे बाजूला असलेल्या मेहक कंपनी देखील आगीच्या भक्ष्यस्थानी आली. जीन्स कपंनीला आग लागल्याची माहिती अग्निशमन दलाला देण्यात आली. घटनेची माहिती मिळाताच अग्निशमन दल घटनास्थळी पोहोचलं. अग्निशमन दलाच्या जवानांनी घटनास्थळी पोहोचत आगीवर नियंत्रण मिळवण्याचं काम सुरु केलं आहे.

कंपनीला लागलेल्या आगीत अजून कोणीही अडकल्याचं अथवा जखमी झाल्याची माहिती मिळालेली नाही. या कंपनीला आग नेमकी कशी लागली, याबद्दल कोणतंही कारण अद्याप समोर आलेलं नाही.