Nandurbar News : हमी भावापेक्षा कमी दरात कापूस खरेदी; नंदुरबारमधील कापूस उत्पादक शेतकरी संतप्त

नंदुरबार जिल्ह्यात जवळपास दीडलाख हेक्टरपेक्षा अधिक क्षेत्रावर कापसाची लागवड करण्यात आल. मात्र दुष्काळी परिस्थिती मुळे कापसाच्या उत्पादनांत प्रचंड घट आली आहे. अशा परिस्थितीत कापसाला भाव मिळत नसल्याने शेतकऱ्यांचे उत्पादन खर्चही निघणार नसल्याची स्थिती आहे.

सरकारने कापसाला जाहीर केलेल्या हमी भावापेक्षा कमी भावात व्यापाऱ्यांकडून कापसाची खरेदी केली जात आहे. त्यामुळे कापूस उत्पादक शेतकऱ्यांमध्ये तीव्र असंतोष दिसून येत आहे. मंत्र्यांना दौरे करण्यास वेळ आहे. एकमेकांवर टीका करण्यास वेळ आहे, मात्र शेतकऱ्यांचे प्रश्न सोडवायला वेळ नाही.. अशी संतप्त प्रतिक्रिया शेतकऱ्यांमध्ये उमटत आहे.