Nalasopara Crime News : 'लिव्ह-इन'मधील महिलेची हत्या केली, मृतदेह बेडमध्ये लपवला; पळून जात असताना धावत्या ट्रेनमध्येच त्याला ताब्यात घेतले

Nalasopara Crime News : नालासोपाराच्या तुळींज येथील मेघा शहा हत्याप्रकरणी एक नवीन माहिती समोर आली आहे. ४० वर्षीय पत्नीची हत्या करून फरार झालेल्या आरोपी पतीला गुन्हे शाखा युनिट दोनच्या पोलिसांनी जीआरपीच्या मदतीने अटक केली आहे. आरोपी दिल्लीला पळून जाण्याच्या बेतात असताना नागदा रेल्वे स्थानकातून त्याला ताब्यात घेतले आहे.

पतीला ताब्यात घेतल्यानंतर या प्रकरणी मोठा खुसाला झाला आहे. मिळालेल्या माहितीनुसार हे दोघे पती पत्नी नसून ते लिव्हइन रिलेशनशिपमध्ये राहात होते. मात्र बाहेरील दुनियेला आपण पती पत्नी असल्याचं सांगत होते. दोघांमध्ये पैशांवरून नेहमी वाद होऊन भांडण होतं असायचे. रोजच्या भांडणाला पती कंटाळला होता. त्यामुळे शेवटी त्याने टॉव्हेलने पत्नीचा गळा आवळून तिची हत्या केली, असा संशय पोलिसांना आहे. हार्दीक शहा असे या आरोपी पतीचे नाव आहे. त्याने मेघाची हत्या नेमकी का व कोणत्या कारणामुळे केली याचा अधिक तपास पोलीस करत आहेत.