Nagpur Accident News : काळीज पिळवटून टाकणारी घटना! भरधाव ट्रकने चौघांना उडवले; आई वडिलांसह मुलीचा दुर्देवी मृत्यू

Nagpur News: गेल्या काही दिवसांपासून राज्यामध्ये भीषण अपघाताच्या घटना समोर आल्या आहेत. दोन दिवसांपूर्वी मुंबई पुणे एक्सप्रेस वेवर तब्बल ११ गाड्यांमध्ये अपघात झाल्याची घटना समोर आली होती. सध्या नागपूरमधून अशीच एका दुर्देवी अपघाताची बातमी समोर येत अपघातात एकाच कुटूंबातील तिघांचा मृत्यू झाल्याचे समोर आले आहे. 

याबाबत अधिक माहिती अशी की, नागपूर  जिल्ह्यातून एका दुर्देवी अपघाताची घटना समोर आली असून यामध्ये एकाच कुटूंबातील तिघांना जीव गमवावा लागला आहे. नागपूर जिल्ह्याच्या रामटेक जवळील आमडी फाट्यावर हा भीषण अपघात झाला. ज्यामध्ये बाईक वरून चौघांना भरधाव ट्रकने उडवल्याचे समोर आले आहे. या अपघातात आई,वडील आणि मुलीचा जागीच मृत्यु झाला आहे.

तर मुलगा गंभीर जखमी झाला असून त्याच्यावर सरकारी रुग्णालयात उपचार सुरू आहेत. या भयंकर अपघाताच्या घटनेने परिसरात खळबळ उडाली असून महामार्गावर वाहनांच्या लांबच लांब रांगा लागल्या आहेत. या फाट्यावर वारंवार अपघात झाल्याचे समोर येत असून या ठिकाणी अंडरब्रिजची मागणी करण्यात येत आहे.