Nagpur Hit And Run: फुल्ल स्पीड ऑडीने समोर येईल त्याला उडवलं, नागपुरात हिट अँड रन प्रकर

Nagpur : नागपुरात एका हायस्पीड ऑडी कारचा कहर पाहायला मिळाला. ही कार नागपुरात वेगवेगळ्या ठिकाणी अनेक कार आणि मोटारसायकल स्वारांना धडकून निघून गेली. या अपघातात दोन युवक जखमी झाले आहे. ही ऑडी कार भाजप प्रदेशाध्यक्ष चंद्रशेखर बावनकुळे यांचा मुलगा संकेत बावनकुळे याचा नावावर आहे. या घटनेबाबत नागपूरच्या सीताबर्डी पोलिस ठाण्यात गुन्हा दाखल करण्यात आला असून, अर्जुन हावरे ,रोनित चिंतनवार या दोघांना पोलिसांनी ताब्यात घेण्यात आले आहे

दारूच्या नशेत हा प्रकार घडल्याचे बोलले जात आहे. दोन्ही आरोपींची वैद्यकीय तपासणीही केली असून त्यांचा अहवाल येणे बाकी आहे. तर या अपघाताचे सीसीटीव्ही फुटेज समोर आले आहे. यामध्ये ही कार भरधाव वेगात इतर गाड्यांना धडक देऊन निघून जाताना दिसत आहे.

Nagpur Hit And Run Case: बावनकुळेंच्या लेकाचा 'कार'नामा, राऊतांचा फडणवीसांना टोला, म्हणाले - ते गृहमंत्रीपदास लायक नाहीत

ही कार एका बड्या राजकीय पक्षाच्या नेत्याच्या मुलाची असल्याचे सांगण्यात येत असून ती वाचवल्याप्रकरणी चालकावर गुन्हा दाखल करण्यात आला असला तरी पोलिसांनी याला तपासाचा विषय असल्याचे म्हटले आहे. नागपूरमध्ये एका हायस्पीड ऑडी कारने हाहाकार माजवला. ही ऑडी कार महाराष्ट्र भाजप अध्यक्ष चंद्रशेखर बावनकुळे यांच्या मुलाच्या नावावर असल्याने या संपूर्ण प्रकरणावर विरोधक आक्रमक झाले आहे.

न्याय सर्वांना सारखा असायला हवा

दरम्यान या अपघातावर भाजप प्रदेशाध्यक्ष चंद्रशेखर बावनकुळे यांनी एक विडिओ शेअर करत आणि आपल्या X अकाउंट वर पोस्ट करत म्हटले आहे की, माझ्या मुलाच्या नावे ती गाडी आहे. या अपघाताची पोलिसांनी निष्पक्षपणे पूर्ण चौकशी करावी, कुणालाही वेगळा न्याय लावू नये. जे कुणी दोषी असतील त्यांच्यावर गुन्हे दाखल व्हावेत, त्यांच्यावर कारवाई व्हायला हवी. मी कुठल्याही पोलीस यंत्रणेशी बोललो नाही. यासंदर्भात सिसिटीव्ही तपासले जावे. त्यानुसार जे काही समोर येईल त्या नुसार गुन्हा नोंदवला पाहिजे. सुदैवाने या अपघातात कोणालाही जीवित हानी झालेली नाही. मात्र या अपघाताची योग्य चौकशी झाली पाहिजे असे मला वाटते. न्याय सर्वांना सारखा असायला हवा मग कुणी राजकारणाशी सबंधित असो किंवा आणखी कुणी असो. असे बावनकुळे म्हणाले.